Kilian Mbappe maraqlı statistika ilə çıxış edib.
Ucnoqta.az xarici mətbuata istinadən xəbər verir ki, öz meydanında Paris Sen-Jermen (PSJ) fransız ulduzun qol vurduğu bütün görüşlərdə qalib gəlib.
Fransız futbolçu PSJ karyerasında 198 qol vurub. Mbappenin qol vurduğu "Parc des Princes" stadionunda PSJ-nin 52 oyunun hamısında qalib gəlməsi maraqlıdır.
Paris komandası Liqa 1-in 24-cü həftəsində "Lill"i 4:3 hesabı ilə məğlub edib. Bu qollardan 2-ni Mbappe vurub.
Bu mövsüm 27 matçda 25 dəfə toru silkələyən hücumçu 6 qol ötürməsi verib. 24 yaşlı futbolçu bombardirlər yarışında 15 qolla "Lill"in kanadalı hücumçusu Conatan Devidlə birinci yeri bölüşür.