Argentinalı hücumçu Lionel Messinin atası və agenti Xorxe Messi oğlunun “Barselona”ya mümkün qayıdışını dəyərləndirib.
Ucnoqta.az xəbər verir ki, onun sözlərini jurnalist Qaston Edoul Twitter səhifəsində yazıb.
O, Messinin İspaniya komandasına qayıtma ehtimalının az olduğunu bildirib.
“Şərtlər yerinə yetirilmir. Klub prezidenti Joan Laporta ilə danışmamışıq”, - o əlavə edib.
Daha əvvəl Messinin Fransa klubunun müqavilənin uzadılması təklifini hələ də qəbul etmədiyi bildirilirdi. Hücumçunun komandadan getməyə meyilli olduğu dəqiqləşib. Messi ailəsi ilə birlikdə evi olan ABŞ-a köçməyə hazırdır.