Bu gün UEFA Konfrans Liqasının pley-off mərhələsində ilk oyunları keçiriləcək.
Ucnoqta.az xəbər verir ki, Ağdamın "Qarabağ" klubu Bakıda Belçika "Gent"i ilə qarşılaşacaq. Oyun saat 21:45-da start götürəcək. Tofiq Bəhramov adına Respublika stadionunda başlayan matçın baş hakimi İsveçdən Məhəmməd Al-Hakim olacaq. Ona Fredrik Klayver, Maks Robin Uayld, Boyan Panciç kömək edəcək.
İndiyədək Azərbaycan klubları Belçika təmsilçiləri ilə 10 dəfə qarşılaşıb. 4 matçda Azərbaycan komandaları qələbə qazansalar da, 5 dəfə məğlub olublar.
UEFA Konfrans Liqası
Pley-off mərhələsi, ilk oyun
16 fevral
21:45
"Qarabağ" (Azərbaycan) - "Gent" (Belçika)
Hakimlər: Məhəmməd Al-Hakim, Fredrik Klayver, Maks Robin Uayld, Boyan Panciç (İsveç)
Bakı, Tofiq Bəhramov adına Respublika stadionu
Komandalar arasında cavab qarşılaşması fevralın 23-də Gent şəhərində keçiriləcək.