UEFA Konfrans Liqasının pley-off mərhələsində keçiriləcək “Qarabağ” - “Gent” (Belçika) oyunun biletləri satışa çıxarılır.
Ucnoqta.az xəbər verir ki, Ağdam klubunun mətbuat xidmətindən verilən məlumata görə, biletlər bu gün saat 11:00-dan etibarən satışa çıxarılacaq.
Biletlərin qiyməti müvafiq olaraq 5, 30, 40, 75 və 100 manat təşkil edir.
Biletləri aşağıdakı satış məntəqələrindən əldə etmək olar:
Tofiq Bəhramov adına Respublika stadionun kassalarında (11:00-dan 20:00-dək);
Iticket.az-ın satış məntəqələri (iticket.az-da onlayn satış);
Park Bulvardakı “Qarabağ” FK-nın Fan Şopunda (11:00-dan 20:00-dək), eləcə də 28 mall və Gənclik mall ticarət mərkəzlərində bütün biletlər satışa çıxarılıb (11:00-22:00)
Qeyd edək ki, qarşılaşma fevralın 16-da T. Bəhramov adına Respublika stadionunda saat 21:45-də başlayacaq.