“iOS” bazasında işləyən məşhur “WhatsApp” messencerinin istifadəçiləri elanlar üçün nəzərdə tutulmuş qruplarda reaksiyalar göndərə biləcəklər.
Ucnoqta.az xəbər verir ki, WABetaInfo portalının mütəxəssisləri yeni funksiyanın işlənib hazırlanmasından xəbərdar olublar.
Nəşrin məlumatına görə, WhatsApp-da mesajların yalnız icma administratorları tərəfindən göndərilə biləcəyi reklam qruplarına reaksiyalar göndərmək funksiyası olacaq. Bu halda, digər istifadəçilər üçün reaksiya göndərilərkən, reaksiya göndərən şəxsin telefon nömrəsi gizlənəcək.
Reklam qruplarına reaksiya göndərmək imkanı inkişaf mərhələsindədir. Gələcək tətbiq yeniləmələrindən birində görünəcəyi gözlənilir.
Daha əvvəl bildirilmişdi ki, “WhatsApp” fotoşəkilləri orijinal keyfiyyətində göndərməyə imkan verəcək. Xidmətdə müvafiq işarə görünəcək, bunun sayəsində istifadəçilər göndərərkən şəklin keyfiyyətini seçə biləcəklər.