Türkiyə Xarici İşlər Nazirliyi (XİN) Avropa ölkələrinə səfər edən vətəndaşlarına xəbərdarlıq edib.
“Qafqazinfo” Türkiyə XİN-in rəsmi saytına istinadən xəbər verir ki, buna səbəb son zamanlar bəzi Avropa ölkələrində anti-islam, ksenofob və irqçilik xarakterli aksiyaların, terror təşkilatına bağlı qrupların nümayişlərinin artmasıdır.
“Bu cür hərəkətlərin baş verdiyi ölkələrdə yaşayan və ya səyahət etməyi planlaşdıran vətəndaşlar diqqətli olmalı, nümayişlərin intensivləşə biləcəyi ərazilərdən uzaq durmalı, mümkün ksenofobiya və irqçi təqib və hücumlar qarşısında sakit davranmalı, yerli təhlükəsizlik qüvvələrinə müraciət etməlidirlər.
Xüsusən də nazirlik, səfirlik və ölkələrdəki baş konsulluqlarımızın edə biləcəyi əlavə xəbərdarlıq və elanlara ölkələrin təhlükəsizlik qüvvələrinin əməl etməsi faydalıdır”, - rəsmi məlumatda bildirilib.