"Çelsi" klubu Portuqaliyanın "Benfika" klubundan Enzo Fernandesi almağa çalışır.
Ucnoqta.az xəbər verir ki, London klubu 22 yaşlı argentinalı yarımmüdafiəçi üçün yeni transfer təklifi hazırlayır və onu qış transfer pəncərəsi bağlanana qədər "Benfika"ya göndərməyi planlaşdırır.
Yanvar transfer pəncərəsinin əvvəlində “Çelsi” və “Benfika” Fernandez üçün danışıqlar aparıblar, lakin Lissabon klubu 120 milyon avro tələb edib. Bu səbəbdən də danışıqlar uğursuz olub. Hazırda "Benfika"nın bu məsələdə mövqeyi dəyişməyib.
Bu mövsüm mərkəz yarımmüdafiəçisi "Benfika"nın heyətində bütün turnirlərdə 28 matçda 4 qol vurub və 6 məhsuldar ötürmə edib.