“Bakı Metropoliteni” QSC maşinistin ölümü ilə bağlı hadisəyə münasibət bildirib.
Bu barədə Oxu.Az-a “Bakı Metropoliteni” QSC-nin mətbuat xidmətinin rəisi Bəxtiyar Məmmədov açıqlama verib.
Onun sözlərinə görə, maşinist köməkçisinin dispetçerə məlumatı əsasında dərhal təcili tibbi yardım çağırılıb.
Qurum rəsmisi bildirib ki, aidiyyəti strukturlara və maşinistin ailəsinə məlumat verilib:
“Metropolitenin gecə iş rejimi ilə bağlı hər hansı bir problem yaşanmayıb. Hazırda məsələ ilə bağlı aidiyyəti strukturlar müvafiq iş aparırlar”.
09:30
Bakı metrosunda maşinist qatar idarə edərkən ölüb.
Ucnoqta.az APA-ya istinadən xəbər verir ki, “Bakı Metropoliteni” QSC-də motovoz maşinisti işləyən 1958-ci il təvəllüdlü Kərimli Aydın Yusif oğlu “Avtovağzal metrostansiyası”nda təsərrüfat qatarını idarə edən zaman qəfildən halı pisləşərək ölüb.