"Milan"ın hücumçusu Zlatan İbrahimoviç mövsümün sonunda karyerasını başa vuracaq.
Ucnoqta.az xəbər verir ki, bu barədə Sempermilan "La Gazzetta dello Sport"a istinadən məlumat yayıb.
41 yaşlı isveçli bu mövsüm hələ "Milan"da oynamayıb. O, dizindən aldığı zədədən müalicə alır. Hücumçu Çempionlar Liqasının 1/8 final mərhələsinin "Tottenhem"lə ilk oyununu buraxacaq.
Mövsüm başa çatdıqdan sonra isveçli peşəkar karyerasını başa vuracaq.
Zlatan İbrahimoviç 2019/20 mövsümündə Milana qayıtıb. Hücumçu karyerası ərzində klub səviyyəsində 815 rəsmi matçda 492 qol vurub.