QHT təmsilçiləri və ekofəalların Xankəndi-Laçın yolunda dekabrın 12-dən başlayan etiraz aksiyası 41 gündür davam edir.
Ucnoqta.az xəbər verir ki, aksiya havanın soyuq və şaxtalı olmasın baxmayaraq gecəboyu davam edib. Aksiya iştirakçıları Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarının, xüsusilə Qızılbulaq qızıl və Dəmirli mis-molibden yataqlarının qanunsuz istismarına son qoyulmasını tələb edir, şüarlar səsləndirirlər.
Qeyd edək ki, Beynəlxalq Qızıl Xaç Komitəsinə (BQXK) və sülhməramlılara məxsus təminat avtomobilləri Xankəndi-Laçın yolundan təhlükəsiz olaraq hərəkət edirlər. Bu da yolun humanitar məqsədlə istifadə üçün açıq olduğunu göstərir.
Xatırladaq ki, dekabrın 12-dən etibarən azərbaycanlı eko-fəallar, ictimaiyyət nümayəndələri sülhməramlıların postu yaxınlığında etiraz aksiyası keçirirlər. Etirazçıların əsas tələbləri RSK komandanı Andrey Volkovun gəlməsi, azərbaycanlı mütəxəssislərin montorinq aparması üçün lazımi şərait yaradılması, Azərbaycan torpaqlarında ekoloji terrora son qoyulması, Ermənistanla sərhəddə Laçın istiqamətində ayrıca sərhəd və gömrük nəzarəti postlarının yaradılması, Azərbaycan ərazisinə qanunsuz silah daşınmasının qarşısının alınmasıdır.
Emin