"Qarabağ" heyətinə yeni futbolçu qatıb.
Ucnoqta.az klubun rəsmi saytına istinadən xəbər verir ki, Ağdam klubu fransalı hücumçu Adama Diakabini transfer edib.
27 yaşlı forvardla 2025-ci il iyunun 30-dək müqavilə imzalanıb.
Qeyd edək ki, Adama Diakabi Fransanın U-21 millisinin şərəfini qoruyub. O, ölkəsinin "Kan", "Renn", "Monako" və "Amyen", eləcə də İngiltərənin "Haddersfild" və "Nottingem Forest" klublarının da formasını geyinib.