Tacikistanın Xocent şəhərində 6 körpə doğulub - iki oğlan və dörd qız.
Ucnoqta.az xəbər verir ki, bu barədə “Asia-Plus”un Tacikistan nəşri məlumat yayıb. Xücənd rayon Doğum Evində 6 körpə doğulub. Uşaqların və analarının vəziyyəti həkimlər tərəfindən normal qiymətləndirilir. Körpələrin valideynləri ilə bağlı digər təfərrüatlar hələlik verilməyib.
Altı uşağın doğulması Tacikistan tarixində ilk belə haldır. 2020-ci ildə Tacikistanın paytaxtı Düşənbə şəhərinin doğum evində Xatlon vilayətinin sakini tərəfindən dünyaya gələn ilk beşəmlər - iki oğlan və üç qız haqqında məlumat yayılıb.
Tacikistan əhali artımına görə postsovet ölkələri arasında birinci yerdədir. Rəsmi statistikaya görə, respublika əhalisinin sayı ildə orta hesabla 2,2% və ya 200 min nəfər artır.
Ruhəngiz