Qarlı hava şəraiti ilə əlaqədar yıxılma səbəbi ilə Bakı Şəhəri Təcili və Təxirəsalınmaz Tibbi Yardım Stansiyasına 40 müraciət daxil olub.
Bu barədə Ucnoqta.az-ın sorğusuna cavab olaraq TƏBİB-dən məlumat verilib.
Xəsarət alanlardan 39-u (15-i qadın, 14-ü kişi olmaqla) aidiyyəti üzrə tibb müəssisəsinə hospitalizasiya olunub.
1 nəfərə isə yerində ilkin tibbi yardım göstərilib.
Qeyd edək ki, müraciətlər əsasən diz oynağı, çanaq, bilək, topuq, çiyin çıxığı, əl nahiyələrinin travmaları ilə bağlı olub.
Xəsarət alanlardan 1-i uşaq, digərləri isə 20-62 yaş aralığında şəxslər olublar.