Balakən sakini kimyəvi maddədən zəhərlənib.
APA-nın məlumatına görə, rayonun Kortala kənd sakini, 1996-cı il təvəllüdlü Türkan İbiyeva zəhərlənmə əlamətləri ilə Balakən Rayon Mərkəzi Xəstəxanasına (RMX) daxil olub. Müayinə zamanı 27 yaşlı Türkan İbiyevanın kimyəvi maddədən zəhərləndiyi məlum olub.
Ona tibbi yardım göstərilib, vəziyyəti nəzərə alınaraq Bakı şəhərindəki xəstəxanalardan birinə göndərilib.
Faktla bağlı araşdırma aparılır.