Patris Evra Lionel Messinin futbol tarixindəki yerindən danışıb.
Ucnoqta.az xəbər verir ki, “Mançester Yunayted”in və Fransanın keçmiş müdafiəçisi Betfair-ə bildirib.
“Dünya kubokunu qazandıqdan sonra Messi daha Dieqo Armando Maradonanın kölgəsində yaşamayacaq. Argentinalı azarkeşlər Maradonanı heç vaxt unutmayacaqlar, amma indi Messi yeganədir. Onlar üçün o, indi dünyanın ən yaxşı oyunçusudur.
Messinin ən yaxşı olduğunu deyə bilmərəm. Kriştiano Ronaldonun ən yaxşı olduğunu deyə bilmərəm. İnsanların bu mübahisəni dayandırmasını istəyirəm, çünki hər kəsin öz fikri var. Nailiyyətlərdən və qələbələrdən asılı olmayaraq bütün insanlar fərqlidir.
Kimsə Dünya Kubokunu qazandığına görə Messini ən böyük adlandıracaq, biri də Avro qazandığı üçün Ronaldonu ən böyük adlandıracaq. Çətindir, amma Dünya Kubokunu qazandıqdan sonra Messi insanların gözündə bütün zamanların ən böyük oyunçuları arasında olacaq, çünki bu, ən böyük kubokdur”, - Patris Evra qeyd edib.