PSJ-nin gənclərdən ibarət komandalarının yarımmüdafiəçisi Etan Mbappe qardaşı Kilian Mbappe ilə birlikdə Paris klubunun əsas komandasına məşq edib.
Ucnoqta.az xəbər verir ki, 15 yaşlı Ethan Mbappe 2017-ci ildə qardaşı ilə birlikdə PSJ-yə keçib. O, bu mövsüm UEFA Gənclər Liqasında 5 oyunda iki məhsuldar ötürmə edib. Dekabrın 17-də Parislə yoldaşlıq oyununda kiçik Mbappe fasilədən sonra Fabian Ruizi əvəzləyərək PSJ-nin əsas heyətində debüt etdi. Matçın iki hissəsi 30 dəqiqə davam edib.
24 yaşlı Kilian Mbappe bu mövsüm Fransa millisində 32 oyuna çıxıb, 29 qol vurub və 7 məhsuldar ötürmə edib.
