Bakının Nərimanov rayonunda zəncirvarı yol qəzası baş verib. APA xəbər verir ki, hadisə Ziya Bünyadov prospektində baş verib. Sürət həddini aşan “Honda” markalı avtomobil “Mercedes”ə, “Nissan X-Trail”ə, daha sonra isə “Qazel” markalı nəqliyyat vasitələrinə çırpılıb. Hadisə nəticəsində hər üç avtomobilə ciddi ziyan dəyib, sürücülərdən biri isə ağır dərəcəli bədən xəsarəti alıb. Faktla bağlı araşdırma aparılır.