Bazar ertəsi Rusiyanın Ryazan vilayətində yerləşən aerodromda yanacaq daşıyan tankerin alışması nəticəsində 3 nəfər həlak olub.
Ucnoqta.az xəbər verir ki, ilkin məlumatlara görə, 6 nəfər zərərçəkən var. Təyyarələrdən biri də zədələnib. Hadisənin səbəbləri hələ də bəlli deyil. Şahidlər səhər saat 6:30-da güclü partlayışın olduğunu bildiriblər. Onların sözlərinə görə, ətrafdan kerosin iyi gəlibdi.
Xarici media və teleqram kanalları isə bazar ertəsi Rusiya Federasiyasının Saratov vilayətinin Engels şəhərindəki hərbi hava bazasına naməlum pilotsuz uçuş aparatının hücumu nəticəsində iki Tu-95 təyyarəsinin zədələndiyini bildirir.
Mənbələrin məlumatına görə, iki rus əsgəri yaralanaraq xəstəxanaya aparılıb. Səlahiyyətlilər hələ ki, rəsmi şərh verməyiblər.
Pünhan