Rusiya “mütləq demokratik” ölkədir və bunun əksini söyləyənlər rus həyatının xüsusiyyətlərini bilmirlər.
Ucnoqta.az Rusiya mətbuatına istinadən xəbər verir ki, bunu Rusiya Federasiyası Prezidentinin mətbuat katibi Dmitri Peskov "Rossiya-1" telekanalında deyib.
"Rusiya həqiqətən güclü, çox qürurlu və çox azad insanların yaşadığı tamamilə demokratik ölkədir. Əgər kimsə bunun əksini deyirsə, o, sadəcə olaraq bizim ölkəmizi bilmir və anlamır", - Peskov bildirib.
Aparıcının Rusiyanın diktatura, yoxsa demokratiya olması sualını şərh edən Kreml sözçüsü vurğulayıb ki, bu, ilk növbədə, suveren dövlətdir. "Biz Rusiya Federasiyasıyıq, biz suveren dövlətik. Prezident Vladimir]Putinin əlində nə çox, nə də az Rusiya Federasiyasının Konstitusiyasında nəzərdə tutulan hakimiyyət cəmləşib", - o deyib.
Rusiya liderinin mətbuat katibinin sözlərinə görə, Vaşinqton bəzi ölkələri demokratik adlandırmağa çalışır, bəziləri isə deyil və ABŞ-ın dekabrın 9-10-da keçirdiyi virtual Demokratiya Sammiti “əslində bütün dünyanı qeyri-demokratik və demokratikə bölüb."
"Biz ABŞ-ın özündə necə demokratiya olduğunu bilirik. ABŞ-da bir sistem, Fransada başqa, Almaniyada üçüncü, Hollandiyada dördüncü sistem var. Nəzəriyyə baxımından isə Amerikanı Hollandiya ilə müqayisə etsəniz, Amerika demək olar ki, diktaturadır. Sadəcə hər bir ölkə suveren olmalıdır, hər bir ölkənin bu ölkəyə xas olan, tarixi ənənələrdən qaynaqlanan, ölkənin inkişaf səviyyəsindən qaynaqlanan sistemi var. ölkə və sair və sairə”, - deyə Peskov vurğulayıb.