Gəncədə yanğın hadisəsi baş verib.
APA-nın yerli bürosunun məlumatına görə, hadisə şəhərin Heydər Əliyev prospektində yerləşən kafedə qeydə alınıb. Sözügedən ünvanda yerləşən kafedə anidən yanğın başlayıb. Hadisə yerinə FHN-ın yanğın söndürən avtomobili və canlı qüvvəsi cəlb olunub.
Yanğın söndürülüb, kafenin qalan hissəsi yanğında mühafizə olunub. Hadisənin baş vermə səbəbləri araşdırılır.