"Boeing" şirkəti ABŞ-dakı aviaşirkətlərə "Pratt & Whitney PW 4000" mühərrikləri ilə işləyən "Boeing 777" təyyarələrinin istifadəsini dayandırmağı tövsiyə edib.
Trend-in məlumatına görə, bu barədə "Boeing"in bəyanatında deyilir.
Məlumatda bildirilir ki, araşdırma aparılan müddətdə 150-yə yaxın "Boeing 777" təyyarələrinin uçuşları dayandırılıb.
Qeyd edək ki, ötən gün ABŞ-ın Denver şəhərindən Havay adalarına uçan təyyarənin mühərrik hissəsinin örtüyü qopub və yaşayış məntəqəsinin yaxınlığına düşüb.
Təyyarə Denverə geri qayıdaraq eniş edib. Xəsarət alan olmayıb.
