Yeni Cənubi Uelsin 50 yaşlı sakini yarasa dişlədikdən sonra sağalmaz nadir virusdan ölüb.
Ucnoqta.az xəbər verir ki, bu barədə Avstraliyanın 7News telekanalı ştatın Səhiyyə Nazirliyinə istinadən məlumat yayıb.
Məlumata görə, həmin şəxs hadisədən bir neçə ay sonra ağır vəziyyətdə xəstəxanaya yerləşdirilib. Məlum olub ki, o, yoluxmuş heyvanlardan insanlara dişləmə və ya cızma yolu ilə keçən Avstraliya yarasa lissavirusuna (ABLV) yoluxub.
Səhiyyə Nazirliyi bildirdi ki, bu, Yeni Cənubi Uelsdə təsdiqlənmiş ilk ABLV hadisəsidir. Şöbə qeyd edib ki, bu virus olduqca nadir rast gəlinsə də, onun effektiv müalicəsi yoxdur.