Alimlərin araşdırmasına görə, mobil telefonlar tualet oturacaqlarından qat-qat çirklidir.
Ucnoqta.az xəbər verir ki, bu barədə Britaniya səhiyyə xidmətinin terapevti Əmir Xan danışıb. İnstaqramda yeni videoçarxında o, bu vərdişə qarşı iki tutarlı arqument paylaşıb.
Xanın sözlərinə görə, birinci səbəb telefonla tualetdə çox vaxt keçirməyin hemoroid xəstəliyinə yol aça bilməsidir. Bu, uzun müddət əzələ gərginliyi və tualetdə telefondan istifadə edərkən bədənin səhv yerləşdirilməsi ilə bağlıdır.
Mütəxəssisin sözlərinə görə, tualetin qapağı yuxarı qalaraq yuyulması zamanı nəcisin mikroskopik hissəcikləri havaya sıçrayaraq telefonun səthinə çökə bilər.
Belə ki, telefonla tualetdə oturmaq vərdişi nəinki sağlamlığınıza zərər verə bilər, həm də cihazınızda bakteriya və kir şəklində xoşagəlməz nəticələrə səbəb ola bilər.