1
ABŞ-ın “Facebook” şirkəti qrup halında videozənglər üçün “Messenger Rooms” məhsulunu bazara çıxarmağa hazırlaşır.
“Report”un məlumatına görə, bu barədə şirkətin açıqlamasında bildirilir. Yeni xidmətin hesabına istifadəçilər 50 nəfərdən ibarət video konfranslar keçirə biləcəklər. Bu cür video konfransları “Facebook” və yaxud “Messenger” vasitəsilə təşkil etmək mümkün olacaq. Bundan başqa, belə bir funksiyanın “Instagram”, “WhatsApp” və “Portal”a da əlavə edilməsi planlaşdırılır.
Yeni məhsul koronavirus (COVID-19) pandemiyası ilə əlaqədar məhdudiyyətlər fonunda videozənglərə tələbatın artmasına bir cavabdır.