1
Moskvanın hava limanlarında 30 reys təxirə salınıb, 60-a yaxın reys isə yubanır. Ucnoqta.az Rusiya mətbuatına istinadən xəbər verir ki, "Domodedovo" hava limanında 11 reys təxirə salınıb, 14 reys yubanır. "Şeremetyevo"da 18 reys təxirə salınıb, 50 reys yubanır, "Vnukovo"da isə 1 reys təxirə salınıb. Reyslərin təxirə salınması hava şəraiti ilə bağlıdır. Meteoroloqolar Moskvaya iki gün ərzində aylıq norma həcmində qar yağacağını bildiriblər.