1
“Gədəbəyin Hacılar kəndindəki sürüşmə aktiv fazadadır, proses tam dayanmayıb”. Bunu apa-ya Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib. O qeyd edib ki, Hacılar kəndi 45-65 metr mailliyi olan dağlıq ərazidə yerləşir: “İyul-avqust aylarında yağan güclü leysan yağışlar nəticəsində həmin ərazidə də sürüşmə baş verib. Sürüşmənin uzunluğu 300 metr, eni 50-70 metrdir, qırılma qaşının hündürlüyü isə 8-12 metrdir. Kütlənin dil hissəsi sürüşərək, kəndarası yolu tamamilə yararsız vəziyyətə salıb. Gediş-gəliş dayanıb”.