Rusiya Ukrayna ilə danışıqları bərpa etməyə hazırdır –

Rusiya Ukrayna tərəfi ilə danışıqları istənilən vaxt, dayandığı yerdən bərpa etməyə hazırdır.

Ucnoqta.az xəbər verir ki, Rusiya xarici işlər naziri Sergey Lavrov bunu Ukraynadakı vəziyyətlə bağlı səfirlər səviyyəsində keçirilən dəyirmi masa zamanı bildirib.

" Biz onları istənilən vaxt, dayandığı yerdən bərpa etməyə hazırıq", – deyə Lavrov qeyd edib.

"Yəqin ki, keçən il kimsə yenidən ukraynalılara dedi: "Dialoqu uzatmaq üçün heç bir tədbirə ehtiyacımız yoxdur; gəlin döyüşək". Deməli, onlar mübarizə aparırlar. Amma bir daha deyim ki, Vladimir Putin hər dəfə Ukrayna məsələsi ilə bağlı danışanda vurğulayır ki, biz açıq şəkildə siyasi və diplomatik həllə üstünlük veririk”, – deyə nazir əlavə edib.