Ali Məhkəməyə iki yeni hakim təyinatı oldu

Milli Məclis Ali Məhkəməyə yeni hakimlərin təyin edilməsini təsdiqləyib.

Ucnoqta.az xəbər verir ki, bununla bağlı məsələ parlamentin bugünkü plenar iclasında müzakirə edilib.

Layihəyə əsasən, Naxçıvan Muxtar Respublikası Ali Məhkəməsinin hakimi Sənan Məmməd oğlu Qarayevin vəzifəsindən azad edilərək Azərbaycan Ali Məhkəməsinə hakim təyin edilir.

Bundan başqa, Xankəndi Şəhər Məhkəməsinin sədri İlkin Qismət oğlu Abdullayevin vəzifəsinin dəyişdirilərək Azərbaycan Ali Məhkəməsinin hakimi təyin edilir.

Sənəd müzakirədən sonra səsverməyə qoyularaq qəbul edilib.///report