Beşdən çox uşağı olan qadınların sayı açıqlanıb

Azərbaycanda beşdən çox uşağı olan qadınlara müavinət alan şəxslərin sayı 2939 nəfərdir.

Ucnoqta.az xəbər verir ki, bu barədə "Report"un sorğusuna cavab olaraq Əmək və Əhalinin Sosial Müdafiəsi Nazirliyindən bildirilib.

Qeyd edək ki, qanunvericiliyə görə, müavinət beşdən çox uşaq doğub tərbiyə edən qadınlara – uşaqların sağ olması şərti ilə – bu hüququn yaranmasına səbəb olmuş uşaq 1 yaşına çatdıqda təyin olunur.

Müavinətin məbləği hər uşaq üçün 140 manat təşkil edir.