Evdən 16 min manatlıq qızıl oğurlamaqda şübhəli bilinən qadın saxlanıldı

Bakının Nərimanov rayonunda oğurluq hadisəsi qeydə alınıb.

Ucnoqta.az DİN-ə istinadən xəbər verir ki, naməlum şəxs paytaxt sakini olan bir nəfərin evindən 16 min manat dəyərində qızıl-zinət əşyalarını talayıb.
Nərimanov RPİ-nin 16-cı Polis Şöbəsinin əməkdaşları tərəfindən keçirilən əməliyyat-axtarış tədbirilə cinayət əməlini törətməkdə şübhəli bilinən 27 yaşlı M.Muradova saxlanılıb.

Nəsimi rayonunda polisin keçirdiyi tədbir zamanı isə kafelərin birindən mobil telefon oğurlamaqda şübhəli bilinən 23 yaşlı A.Umudova da tutulub.

Araşdırmalar davam etdirilir.