ABŞ prezidenti Donald Tramp San-Fransisko körfəzindəki Alkatraz adasında maksimum təhlükəsizlik həbsxanasının açılması üçün 2 milyard dollar xərcləyə bilər.
Ucnoqta.az xəbər verir ki, bu barədə Axios portalı mənbələrə istinadən məlumat yayıb.
Müəssisə 1963-cü ildə iqtisadi səbəblərə görə fəaliyyətini dayandırdı: binalar dəniz suyuna görə yararsız vəziyyətə düşürdü və ərzaq gəmi ilə çatdırılmalı idi.
İndi Tramp adada bütün köhnə tikililərin sökülməsini və tikintiyə sıfırdan başlamağı tələb edən maksimum təhlükəsizlik həbsxanasının yenidən açılması variantını nəzərdən keçirir.
Layihə 2 milyard dollara başa gələ bilər.
Həbsxananın adanın bütün ərazisini tutmayacağı 1 milyard dollara daha ucuz variant da nəzərdən keçirilir. Yekun qərar hələ verilməyib.Qeyd edək ki, Al Kapone və digər məşhur məhbuslar cəzalarını indi bağlı olan Alkatraz həbsxanasında çəkiblər.