Ermənistan İstintaq Komitəsi (İK) ölkədə hakimiyyəti ələ keçirməyə cəhdlə bağlı cinayət işinin istintaqı zamanı 14 nəfəri saxlayıb.
Ucnoqta.az xəbər verir ki, bu barədə agentliyin press-relizində deyilir.
Qeyd olunur ki, müstəntiqin vəsatəti əsasında 16 nəfər barəsində cinayət işinin başlanmasına nəzarət edən prokuror tərəfindən qərarlar çıxarılıb, həmin qərarlar təmin edilib. Hazırda müstəntiqin qərarı ilə 14 nəfər saxlanılıb.
Məlumata görə, 90-dan çox axtarış aparılıb, nəticədə “odlu silah və döyüş sursatları, fəaliyyət planları, işə götürülən şəxslərin siyahıları, radiorabitə vasitələri, pilotsuz uçuş aparatları; narkotik maddələrə oxşayan bitki məmulatları; zorakılıq yolu ilə ələ keçirildikdən sonra icra hakimiyyətlərində müvafiq vəzifələrə təyin edilmiş şəxslərin siyahısı, qanunsuz dövriyyənin planlaşdırılması, sənədlərin sındırılması, cinayətkar qrupun həyata keçirməli olduğu əməllər aşkarlanıb.