"Həyatımda, qəlbimdə elə bir insan yoxdur ki, onu sevməyim. Hər kəsi sevirəm. Səhnəyə çıxanda sizin sevgi ilə qarşıma qaçmağınızın nəticəsi mənim sizə olan sevgimdir. Həmin sevgi enerjisini mən sizə ötürürəm".
Ucnoqta.az xəbər verir ki, bu sözləri Xalq artisti Aygün Kazımova "Tarixin bir günü" verilişində deyib. Pop kraliça duet ortağı, meyxanaçı Namiq Qaraçuxurludan danışıb.
Kazımova bildirib ki, Namiqlə ancaq səhnədə bir araya gəlirlər:
"Bu yaxınlarda toyda idik. Bəy başladı oxumağa, Namiq dedi ki, hətta bəy oxudu. Dedim, Namiq sən eşqi, sevgini nə bilirsən. Bunlar içdən gəlir. Hər bir insanla fərqli həyat yaşayırsan, sənə və ona məxsus olur. Namiqə dost kimi yanaşıram. Namiqlə ancaq səhnədə görüşürəm. Bu səmimiyyətimə tamaşaçılar inanır. Etiraf edirəm ki, aramızda yaşanan, baş verənlər, enerji, yaradıcı tandem heç bir duet ortağımla yaşanmır. Namiqin zarafatlarımdan xoşu gəlmir. Amma mən Namiqlə zarafat etməyi xoşlayıram. Axırıncı dəfə bir zarafat etmişdim, Namiqin xoşu gəlməmişdi. Nə edim, Namiq, mən beləyəm".///Axşam.az