Şimali, Mərkəzi Amerika və Karib Hövzəsi Futbol Konfederasiyası (CONCACAF) hakim Marko Ortizə səkkiz dəfə “Qızıl top” mükafatının sahibi “İnter Mayami”nin argentinalı hücumçusu Lionel Messidən matçdan sonra avtoqraf istəməsinə görə sanksiya tətbiq edib.
Ucnoqta.az xəbər verir ki, bu barədə ESPN telekanalı məlumat yayıb.
Fevralın 20-nə keçən gecə “İnter Mayami” CONCACAF Çempionlar Kubokunun birinci mərhələsinin iki oyunluq qarşıdurmasının ilk oyununda “Kanzas Siti”yə qalib gəlib (1:0).
Matçın başa çatmasından sonra matçın baş hakimi Ortiz Messiyə yaxınlaşaraq ondan avtoqraf istəyib. Təşkilat hakimə qarşı hansı intizam tədbirlərinin görüldüyünü açıqlamır.
Araşdırma zamanı CONCACAF müəyyən edib ki, hakim ailə üzvü üçün forma istəmək üçün futbolçuya yaxınlaşıb.
"Hakimin davranışı konfederasiya matçlarında rəsmilərin davranış kodeksinə uyğun gəlmir. Hakim səhvini etiraf edib, baş vermiş hadisəyə görə üzr istəyib və CONCACAF-ın tətbiq etdiyi intizam tədbirlərini qəbul edib”, – deyə qurumdan bildirilib.