0
Avstraliyanın şimalında yüngül təyyarə qəzaya uğrayıb, pilot həlak olub.
Ucnoqta.az xəbər verir ki, bu barədə Şimal Ərazi Polisinə istinadən NT News qəzeti məlumat yayıb.
Hüquq-mühafizə orqanlarının məlumatına görə, qəza yanvarın 12-də yerli vaxtla saat 10:20 radələrində baş verib.
Təyyarə Darvindən 60 km şimal-şərqdə, Middle Point kəndində yerləşən bəndə çırpılıb.
Qəza zamanı təyyarədə 63 yaşlı pilot və 29 yaşlı sərnişin olub.
Polis bildirib ki, təyyarə çoxlu duzlu su timsahının yaşadığı bəndə aparan su yollarından birinə çırpılıb.
Xilasedicilər qəzaya uğrayan təyyarədən əvvəlcə sağ qqalan sərnişini, sonra isə pilotun cəsədini çıxarıblar.