Çin qütb sularında işləməyə qadir olan 58 min ton qaldırma qabiliyyətinə malik düz göyərtəli yük gəmisini sınaqdan keçirib.
Ucnoqta.az xəbər verir ki, "South China Morning Post"un məlumatına görə, "Fan Zhou" 8 dünyanın ən böyük belə gəmisinə çevrilib.
Bu məlumata görə, "Fan Zhou "8 daha əvvəl Zhejiang əyalətindəki Taizhou Zhonghang gəmiqayırma zavodunun dokunu tərk edib və dekabrın 24-də Şanxayın şərqindəki sularda müxtəlif peşəkar sınaqlardan sonra doka qayıdıb.
Qəzetin qeyd etdiyi kimi, gəmi yüksək dənizə yararlıdır və Qütb Məcəlləsinin tələblərinə cavab verir. Onun uzunluğu 256 m, eni – 51 m, kruiz məsafəsi – 16 min dəniz mili, maksimal sürəti – 15 düyündən çoxdur.
Gəmi göyərtədə müxtəlif yükləri, o cümlədən dənizdə neft kəşfiyyatı və işlənməsi üçün avadanlıq, külək və atom elektrik stansiyalarının hissələri, polad konstruksiyalar və ya iri gəmilərin hissələrini daşıya bilər.