2
Tovuzda qaçırılan 16 yaşlı qız ailəsinə təhvil verilib.
Ailə, Qadın və Uşaq Problemləri üzrə Dövlət Komitəsindən APA-nın sorğusuna cavab olaraq bildirilib ki, ötən gün sosial şəbəkələrdə Tovuzun Vahidli kəndində 10-cu sinif şagirdinin qaçırılması barədə yayılan məlumatlara əsasən fakt dərhal komitə tərəfindən nəzarətə götürülüb. Araşdırılması və dərhal tədbir görülməsi ilə bağlı aidiyyatı qurumlara məlumat verilib. Araşdırma zamanı məlum olub ki, 10-cu sinif şagirdi Aysel Məmmədlini (şərti ad) kənd sakini Mətin Mustafayev evlənmə məqsədi ilə qaçırıb. Birgə fəaliyyət nəticəsində məktəbli qız ailəsinə təhvil verilib, məsələnin nəzarətdə saxlanılması təmin olunub.
Faktla bağlı araşdırma davam etdirilir.