Haqq Ədalət Partiyasının (HƏP) sədri Əli İnsanov bildirib ki, Prezident seçkilərində Yeni Azərbaycan Partiyasının namizədi İlham Əliyevin dəstəklənməsi üçün təbliğat işlərinə başlayıblar.
Modern.az-ın məlumatına görə, Ə.İnsanov bu barədə HƏP İdarə Heyətinin iclasında bildirib.
“Haqq Ədalət Partiyasının rayon və şəhər təşkilatları on minlərlə üzvümüzün təbliğat işlərinə aktiv cəlb olunmasını günbəgün artıraraq, əhali arasında geniş təşkilatı işləri aparmaqdadır. Bu işdə partiyanın şəhər və rayon təşkilat rəhbərləri üzvlərimizlə bərabər HƏP-in siyasi xəttini bəyənən çoxsaylı təəssübkeşlərimizi və bizə bağlı olan bütün Azərbaycan vətəndaşlarını seçkilərdə aktiv iştirak etməyə cəlb etməli və qarşıdan gələn Prezident seçkilərində yekdilliklə İlham Əliyev cənablarına səs vermələrinə çağırış etməliyik”.
Əli İnsanov təklif edib ki, HƏP-çilər hər yerdə fevral ayının 7-si günü seçki məntəqələrinə gəlməyi təbliğ etməli, Prezidentliyə namizəd İlham Əliyevin lehinə səs vermək üçün geniş təbliğat aparmalıdır.