“Axtarışda olan erməniəsilli şəxslərin istintaqa təhvil verilməsi işləri sürətləndirilib” –

“Axtarışda olan 400-ə yaxın erməniəsilli şəxsin tutularaq istintaqa təhvil verilməsi işləri sürətləndirilib”.

“Report” xəbər verir ki, bunu baş prokuror Kamran Əliyev jurnalistlərə açıqlamasında bildirib.

Onun sözlərinə görə, Ermənistan kütləvi məzarlıqlarla və xəritələrlə bağlı Azərbaycana məlumatları vermir:

“Verilən xəritələrin əksəriyyəti də reallığı əks etdirmir. Lakin biz bu istiqamətdə fəaliyyətimizi davam etdirəcəyik. Hazırda axtarışda 400-ə yaxın erməniəsilli şəxs var. Onların tutularaq istintaqa təhvil verilməsi işləri sürətləndirilib. Ümidvaram ki, bu istiqamətdə müsbət nəticələr əldə olunacaq”.