Adını futbol dünyasına qızıl hərflərlə yazdıran Kriştianu Ronaldu karyerasının son dövründə böyük bir çöküş yaşadı. Portuqaliyalı dünya ulduzu "Mançester Yunayted" forması ilə gözlədiyindən də pis bir mövsüm keçirdi. Komandanın əsas heyətinə düşməkdə çətinliklər yaşadı. Ötən günlərdə isə baş məşqçi və klub rəhbərliyi ilə bağlı xoş olmayan açıqlamaları ilə dünya gündəminə düşdü. Bu açıqlamalardan sonra onun Mançesterdən ayrılacağı heç kimdə şübhə doğurmadı.
Ucnoqta.az xəbər verir ki, bu arada Kriştianu Ronaldunun yeni komandası ilə bağlı gözlənilməz iddia ortaya atılıb. Sonuncu xəbərin təfərrüatları budur…
Xarici mətbuatda çıxan xəbərə görə, Kriştianu Ronaldunun meneceri Xorxe Mendes “Real”la 6 aylıq icarə təklifi ilə bağlı razılığa gələ bilər. Madrid “Real”ı Benzemanı Kriştianu Ronaldu ilə əvəz etmək niyyətindədir. Çünki Fransa yığmasının heyətində dünya çempionatı üçün Qətərə gedən Benzeman məşq zamanı zədələnib və müalicəsi uzun çəkəcək.
“Real”da 9 il tər tökən Ronaldu ümumilikdə 438 matçda 450 qol vurub, 131 məhsuldar ötürmə edib.