Türkiyə prezidenti Rəcəb Tayyib Ərdoğan Rusiya səfərindən qayıdarkən təyyarədə jurnalistlərə bəzi açıqlamalar verib.
“Report” RİA "Novosti”yə istinadən xəbər verir ki, Türkiyə lideri hazırda Rusiya istehsalı olan “SU-57” qırıcı təyyarələrinin idxalına dair danışıqlar apardıqlarını qeyd edib.
“Danışıqlar davam edir. “MAKS-2019”dan sonra nazirliklərimizin nümayəndələri Rusiyada qalaraq orada işləyirlər. Kreditlər və müştərək istehsal barədə şərtlərimizi masa üstünə qoyacağıq”, - deyə R.T.Ərdoğan bildirib.
O, ABŞ hökumətinin “F-35”lərin tədarükünə dair mövqeyini dəyişdirməyəcəyi halda vəziyyətə çarə axtaracaqlarını söyləyib.