Komissiya Şamaxıda püskürən vulkan ətrafındakı vəziyyətlə bağlı

Şamaxı rayonunda püskürən palçıq vulkanında aktivlik yoxdur.

Bu barədə Trend-ə Şamaxı Rayon Fövqəladə Hallar Komissiyasının rəis müavini Rüstəm Əliyev məlumat verib.

Onun sözlərinə görə, hadisə rayonun Məlikçobanlı və Göylər kəndlərinin sərhədində baş verib: "Vulkan Ekologiya və Təbii Sərvətlər Nazirliyinin qeydiyyatındadır. Palçıq vulkanı 40 metr enində, 50 metr uzunluğunda sahəni əhatə edib. Ərazi yaşayış məntəqəsindən 600 metr kənardadır. Hadisə nəticəsində yaşayış məntəqəsi və əkin sahələrinə heç bir ziyan dəyməyib, vəziyyət tam normaldır".

Xatırladaq ki, mayın 27-də Şamaxı şəhərinin 12 km cənub-qərbində, Məlikçobanlı kəndində palçıq vulkanı püskürüb. Vulkan ərazisində Ekologiya və Təbii Sərvətlər Nazirliyinin mütəxəssisləri tərəfindən monitorinq və müvafiq ölçmə işləriartıq aparılıb.

Monitorinqlərin nəticələrinə görə, vulkandan çıxan püskürmə məhsulları (brekçiya) 0,5 hektara qədər əraziyə yayılıb. Vulkanın krateri püskürmə məhsulları ilə örtülüb, 150 metr uzunluğunda radial çatlar əmələ gəlib. Püskürmə məhsullarının qalınlığı vulkanın mərkəzində 1 metrə yaxın, kənarlarda isə 0,2 metr təşkil edib.

Qeyd edək ki, sözügedən vulkan 1810-cu ildə qeydə alınıb və bu günədək 4 dəfə püskürüb. Sonuncu dəfə vulkanın püskürməsi 1977-ci ildə baş verib.

Tarix
30 May 2019 [10:30]
Müəllif
Üç nöqtə
Digər xəbərlər
2019-05-30 10:30:01
Xəbər xətti
Foto
Video
Çox oxunanlar
Sorğu
Orta məktəbdə təhsil sizi qane edirmi?
 bəli
 bilmirəm
 xeyr
 qismən
KİV
Virtual Qarabağ

Ən son xəbərləri səhifəmizdən də izləyin