Ana səhifə
11 Dekabr 2018

DGK-nin həbsdə olan polkovniki: "Rüşvət kimi qəbul etməmişəm"

Bu gün Bakı Ağır Cinayətlər Məhkəməsində rüşvət almada təqsirləndirilən Dövlət Gömrük Komitəsinin (DKG) Maliyyə və Təchizat İdarəsinin Maliyyə şöbəsinin rəisi, gömrük xidməti polkovnik-leytenantı N.İmanovun cinayət işi üzrə məhkəmə iclası davam etdirilib.

Hakim Azad Məcidovun sədrliyi ilə keçirilən prosesdə dövlət ittihamçısı Həkimxan Səfərov ittiham aktını elan edib.
Elan olunmuş ittiham üzrə N.İmanov özünü təqsirli bilmədiyini söyləyib.
O deyib ki, 2006-cı ildən DGK-da müxtəlif vəzifələrdə çalışıb, qurumun maliyyə şöbəsinin rəisi vəzifəsində işləyən zaman hər hansı sənədi imzalamaq, möhür vurmaq səlahiyyəti olmayıb.

N.İmanov vurğulayıb ki, iş yoldaşı Mənsur Zeynalovdan rüşvət almayıb.

Onun sözlərinə görə, M.Zeynalovu avqust ayından tanıyır: "Bir gün Mənsur mənə zəng etdi ki, görüşək. Onunla söhbət edəndə bildirdi ki, özünə toy edir, maddi vəziyyəti yaxşı deyil və tez bir zamanda birdəfəlik müavinəti almaq istəyir. Mən də hazırda komitənin balansında pul olmadığını, pul köçürülən kimi onun birdəfəlik müavinəti olan 5 min manatının veriləcəyini dedim. O isə israr etdi ki, pulu tez almaq üçün ona kömək edim. Mən etirazımı bildirdim və əlimdə belə bir səlahiyyətin olmadığını söylədim. Bu söhbətdən bir ay sonra Mənsur mənə yenə zəng eləyib, görüşmək istədiyini dedi. Biz iş yerinin qabağında onun avtomobilində görüşdük, o, yenə də israrla bu məsələdə ona kömək etməyimi tələb etdi. Mənsur söylədi ki, alacağı müavinətin yarısı qədər yəni, 2500 manat pul hazırlayıb və bu işi həll etmək üçün "hörmət" etmək istəyir. Ona yenə əlimdə belə bir səlahiyyətin olmadığını bildirdim".

N.İmanov bildirib ki daha sonra M.Zeynalov Qəbələyə yas yerinə gedəcəyini, pulla yola çıxmaq istəmədiyini deyib, həmin məbləği o qayıdanadək üzərimdə saxlamağımı xahiş edib: "Bir iş yoldaşı kimi mən də onun xahişini yerinə yetirdim, pulu alıb, axşam ona qaytaracağımı söylədim. Sonra sağollaşdıq, avtomobildən düşüb, komitənin binasına daxil olmaq istəyəndə məni əməliyyatçılar saxladı. Rüşvət aldığımı iddia etdilər və üzərimdəki pulları götürdülər. Yenə də deyirəm ki, mən iş yoldaşımın pulunu rüşvət kimi qəbul etməmişəm, bütün ittihamlar əsassızdır".

Daha sonra məhkəmədə şahidlər ifadə verib.

Məhkəmənin növbəti iclası noyabrın 28-nə təyin edilib.

Qeyd edək ki, DKG-nın yaydığı məlumata əsasən, Dövlət Komitəsinin Əməliyyat-İstintaq Baş İdarəsi və Daxili Təhlükəsizlik İdarəsi əməkdaşlarının birgə keçirdiyi əməliyyat tədbirləri nəticəsində növbəti dəfə pensiya yaşına çatan gömrük əməkdaşlarından biri ilə 2500 manat pul müqabilində razılığa gələn N.İmanov həmin əməkdaşdan pulu alarkən yaxalanıb.

DGK sədrinin müvafiq əmrinə əsasən, Maliyyə və Təchizat İdarəsinin Maliyyə şöbəsinin rəisi N.İmanov dərhal tutduğu vəzifədən azad edilib və hazırda fakt üzrə toplanmış materiallar hüquqi qiymət verilməsi üçün Baş Prokurorluğa göndərilib.report

Tarix
21 Noyabr 2018 [13:36]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin