Ana səhifə
19 Noyabr 2018

BATE-nin baş məşqçisi: “Qarabağ” ciddi rəqibdir”

 “Özümüzü aldatmamaq üçün Helsinkidə HİK-lə oyuna qədər uzağa boylanmırdıq. Ona görə də potensial rəqibləri detallı şəkildə öyrənməmişdik. Əminəm – “Qarabağ” ciddi rəqibdir”.

Ucnoqta.az xəbər verir ki, bunu “Report”a “Qarabağ”ın UEFA Çempionlar Liqasının (ÇL) III təsnifat mərhələsindəki rəqibi Belarusun BATE komandasının baş məşqçisi Aleksey Baqa deyib.

O, bildirib ki, qısa zaman kəsiyində rəqibi analiz edəcəklər: “Qarabağ”ın ötən mövsüm ÇL-in qrup mərhələsində çıxış etdiyini bilirəm. Yəqin ki, Bakıdakı mühit bizim üçün asan olmayacaq və matça çox sayda yerli azarkeş gələcək. Azərbaycan klubu ilə oyunun hazırlığına Helsinkidə belçikalı referinin final fitindən sonra start verdiyimizi hesab etmək olar. Boşa veriləsi vaxt yoxdur. İlk görüşü səfərdə keçirəcəyik. Rəqibi analiz edəcəyik və əldə olunan məlumata əsasən, oyunu necə quracağımıza qərar verəcəyik”.

Qeyd edək ki, “Qarabağ” II təsnifat mərhələsində Albaniyanın “Kukesi” komandasını, BATE isə Finlandiya təmsilçisi HİK-i mübarizədən kənarlaşdırıb. Bu kollektivlər arasında ilk matç avqustun 7-də Bakıda, cavab qarşılaşması isə ayın 14-də Borisovda olacaq.

Tarix
2 Avqust 2018 [15:59]
Müəllif
Üç nöqtə
Digər xəbərlər
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin