Ağsu rayonunda ər keçmiş həyat yoldaşına münaqişə zəminində bıçaqla xəsarət yetirib. Ucnoqta.az xəbər verir ki, Daxili İşlər Nazirliyinin saytında verilmiş məlumata görə, Ağsu şəhərində kirayədə yaşayan Samirə Bəyalıyevanın evinə gələn keçmiş əri, rayonun Hacıqədirli kənd sakini Mahir Bəyalıyev münaqişə zəminində ona bıçaqla xəsarət yetirib. Nəticədə xəstəxanaya yerləşdirilən S.Bəyalıyeva orada ölüb. Polis və prokurorluq orqanları əməkdaşlarının birgə keçirdikləri istintaq və əməliyyat-axtarış tədbirləri nəticəsində M.Bəyalıyev tutulub.