Ana səhifə
21 Noyabr 2018

Səməd Seyidov Türkiyənin Baş naziri və parlament sədri ilə görüşəcək

Türkiyənin Baş naziri Binəli Yıldırım və Türkiyə Böyük Millət Məclisinin (parlament) sədri İsmayıl Kahraman Azərbaycan Milli Məclisinin Beynəlxalq münasibətlər və parlamentlərarası əlaqələr komitəsinin sədri Səməd Seyidovun rəhbərlik etdiyi nümayəndə heyəti ilə görüşəcək.
 

"Ucnoqta.az" Türkiyə parlamentindən Trend-ə verilən məlumata istinadən bildirir ki, görüşlər bu gün baş tutacaq.
 

Bundan başqa, bu gün TBMM-in Xarici işlər komissiyasının sədri Volkan Bozkırla Səməd Seyidovun görüşü də nəzərdə tutulur.
 

Qeyd edək ki, Milli Məclisin Beynəlxalq münasibətlər və parlamentlərarası əlaqələr komitəsinin sədri S.Seyidov, deputatlar Sevinc Fətəliyeva, Asim Mollazadə və Cavanşir Feyziyev Azərbaycan, Türkiyə və Gürcüstan parlamentlərinin Xarici əlaqələr komitələrinin üçtərəfli görüşündə iştirak etmək üçün martın 1-dək Türkiyənin paytaxtı Ankara şəhərində səfərdə olacaqlar.
 

Toplantıda bir sıra regional məsələlər müzakirə olunacaq, nümayəndə heyətlərinin beynəlxalq təşkilatlarda qarşılıqlı faydalı əlaqələrinin inkişafı ilə bağlı fikir mübadiləsi aparılacaq.
 

Tədbirin sonunda hər üç ölkənin qanunverici orqanlarının Xarici əlaqələr komitələri arasında əməkdaşlığa dair protokol imzalanacaq.

Tarix
27 Fevral 2018 [09:45]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin