Bu gün ilin ilk Günəş tutulması baş verəcək.
"Ucnoqta.az" “Report”a istinadən bildirir ki, ilk Günəş tutulması bu gün Bakı vaxtı ilə saat 22:55:51-də qeydə alınacaq və fevralın 16-da da davam edəcək.
Tutulma maksimuma 00:51:29-da çatacaq. Sonu saat 02:47:08-də olacaq. Təbiət hadisəsi Cənubi Amerikanın cənub hissəsində və Antarktidada müşahidə olunacaq.
Qeyd edək ki, bu il daha iki Günəş tutulması hadisəsi qeydə alınacaq. Onlardan biri iyulun 13-də, digəri isə avqustun 11-də baş verəcək. Budəfəki Günəş tutulmalarının hamısı qismən olacaq. Yəni, bu vaxt Günəşin kiçik bir hissəsi tutulacaq.