Ukraynanın baş prokuroru Yuriy Lutsenko Odessanın sabiq qubernatoru Mixeil Saakaşvilini Gürcüstana təhvil vermək istəmədiyini etiraf edib.
"Ucnoqta.az" "Ölkə.Az"a istinadən xəbər verir ki, "TSN" kanalına müsahibəsində Lutsenko deyib: "Gürcüstanın eks-prezidenti, Odessa vilayətinin keçmiş qubernatoru Mixeil Saakaşviliyə ölkə tərəfindən siyasi sığınacaq verilməsə, siyasətçi könüllü və ya məcburi surətdə Ukraynadan digər dövlətə göndəriləcək".
Baş prokuror deyib: "Əgər məhkəmə qərar çıxarsa ki, Saakaşvilinin Ukraynadan siyasi sığınacaq almağa haqqı yoxdur, onun bu zaman bir neçə variantı ola bilər. Birincisi, könüllü surətdə seçdiyi ölkəyə qayıtmaq, məsələn ailəsinin yaşadığı Hollandiyaya. Hollandiya da Saakaşvilini ailəsini bərpa etmə proseduru üzrə qəbul etməyə hazırdır. İkinci imkan, könüllü və ya məcburi surətdə digər ölkəyə deportasiya edilməkdir. Bu ölkələrdən biri Ukrayna sərhədini qanunsuz şəkildə keçdiyi Polşa da ola bilər. Eyni zamanda Gürcüstanın baş prokurorunun tələbi ilə Gürcüstana da ekstradisiya edilə bilər".
Lutsenko qeyd edib ki, bu yaxınlarda Gürcüstanın baş prokuroru ilə görüşüb və prokuror bildirib ki, Saakaşvilinin vətənə ekstradisiyasını istəyir.
Bunun üçün isə uzunmüddətli məhkəmə prosesləri keçirilməlidir"