Ana səhifə
13 Noyabr 2018

Kukla Teatrı daha bir premyera ilə balacaların görüşünə gəlir

“Cırtdan” yeni quruluşda

Mütəmadi repertuarına yeni səhnə əsərləri daxil etməklə balaca teatrsevərləri yerli və xarici dramaturgiya nümunələri ilə tanış edən Abdulla Şaiq adına Azərbaycan Dövlət Kukla Teatrı daha bir premyera ilə onların görüşünə gəlir.

Teatrın mətbuat xidmətindən Ucnoqta.az-a verilən məlumata görə, yaradıcı heyət bu dəfə teatrın repertuarında artıq klassikaya çevrilmiş “Cırtdan” adlı nümunəni tam yeni quruluş və müasir səhnə tərtibatında hazırlayıb. 
Şair-dramaturq, uşaqların sevimli müəllifi Mirmehdi Seyidzadənin eyniadlı mənzum nağıl-pyesi əsasında hazırlanan tamaşaya teatrın baş rejissoru Qurban Məsimov quruluş verib. O, səhnələşdirməsi mərhum dramaturq Rəhman Əlizadəyə məxsus tamaşaya tam yeni quruluş verməklə müasir kukla texnikalarının köməyi ilə fərqli səhnə işi təqdim etməyə çalışıb. 
Müxtəlif kukla texnikalarının istifadə olunduğu tamaşanın quruluşçu rəssamı Rəvanə Yaqubovadır. Döşəmə (parket) kuklalarının istifadə olunduğu tamaşada personajlar istər görüntü, istər kukla idarəetmə texnikası baxımından da tam yenilənib. 
Birhissəli kukla tamaşasının bəstəkarı məşhur uşaq bəstəkarı Oqtay Zülfüqarovdur. Mərhum bəstəkarın bu tamaşaya yazdığı musiqilər də yeni səsləndirmədə təqdim olunacaq. 
Tamaşada əsas rolları teatrın aparıcı aktyorları Elmira Hüseynova, Rəhilə İbadova, Elnur Əliyev, Elnur Xəlilov, Adil Dəmirov, Aygül Ağayeva, Vüsal Hüseynov ifa edirlər.

Onu da qeyd edək ki, dekabrın 24-də premyerası baş tutacaq tamaşa Mirmehdi Seyidzadənin 110 illik yubileyi münasibətilə hazırlanıb.
 

Tarix
22 Dekabr 2017 [16:47]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin