Azərbaycan Respublikası Dövlət Neft Fondunun (ARDNF) kütləvi informasiya vasitələrində qızıl ehtiyatı ilə bağlı dərc olunan məqalələrə münasibət bildirib. ARDNF-dən verilən məlumata görə, Azərbaycan Respublikası Dövlət Neft Fondunun investisiya portfelinə daxil olan qızılın miqdarı hazırda 30 175 kq (970 146 troya unsiyası) təşkil edir və cari ildə qızılın miqdarında heç bir dəyişiklik baş verməyib.
Qeyd olunur ki, ARNDF-nin investisiya portfelinə daxil olan qızılın Mərkəzi Bankdan ARDNF-nin inzibati binasında yerləşən xəzinəyə daşınması prosesi 2017-ci ildə tam başa çatdırılıb.
ARDNF-nin investisiya portfelinə daxil olan qızıl yatırımları ilə bağlı məlumatlar ARDNF-nin rüblük və illik hesabatları vasitəsi ilə mütəmadi olaraq ictimaiyyətə çatdırılır.